رواية الجزيرة الغريبة

منتديات السعودي السعودية - الرسمي شبكة و منتديات السعودي ~ ترفيهية وتعليمية وثقافية وكل ما يفيد زائرينا الكرام

رواية الجزيرة الغريبة Feb 10th 2013, 17:12 رواية الجزيرة الغريبة قصة الجزيرة الغريبة 2013 ,اجمل قصص عن الجزيرة 2013 في يوم من الايام...كان غسان توه مشتغل مرشد سياحي في بلد من بلدان اوروبا...فأخذ السياح ولف فيهم البلد وعطاهم معلومات عن تاريخ كل مكان مرو فيه وشنو اهمية هالمكان بالنسبه لأهل البلد!!!...وقفو عند جزيره من جزر البلاد وقام واحد من السياح يتحلطم ويقول هذي جزيره عاديه مااشوف فيها شي مميز ليش جايبنا لها؟!!!...شوارع وبيوت ومباني مافي شي مميز!!!؟؟؟...ابتسم غسان ابتسامه خفيفه وقال: هالجزيره العاديه صارت على ارضها قصه اغرب من الخيال وكل الناس للحين يتكلمون فيها ويقصونها على عيالهم قبل النوم من غرابتها والفوايد والعبر اللي بين احداثها!!!...استغربو السياح وكلهم اسكتو يبون غسان يتكلم ويقول القصه لأن شوقهم يعرفونها!!!...وبدا غسان يقول القصه: .. قبل حوالي 50 سنه...كانت تعيش في هالجزيره بنت عن مية رجال!!!...كانت تشتغل بالشرطه محققه جنائيه وكان اسمها ياسمين!!!...تميزت بذكائها وجمالها النادر وقوتها!!!...كانت ماتدخل قضيه الا تكسبها وكان اخطر المجرمين يهابونها ويخططون انهم يتخلصون منها عشان ماتخرب عليهم خططهم!!!...ومع هذا محد قدر عليها!!!...تمنى الكثير انها تكون من نصيبه بس محد اثر عليها الا شخص واحد كانت تدوره بين كل اللي تقدمولها وماحصلته!!!...لما اشتهرت بالبلاد وصارت محققه معروفه والجرايد تنشر اخبارها والصحافه تركض وراها!!!...تفاجأت بحبيب قلبها اللي انتظرته سنين يدق بابها بعد ماعرفها بالتلفزيون لأنه هو بعد كان يدور عليها!!!...ياسمين ومراد كانو اصدقاء طفوله ووعدو بعضهم من زمان انهم ماراح يكونون غير لبعضهم مهما تفرقهم السنين!!!...وفعلا قدرو يحافظون على الوعد وتزوجو وعاشو احلى سنين عمرهم وكانو اسعد زوجين!!!...لكن في يوم من الايام...كانت ياسمين رايحه لشركة مراد تبي تسويله مفاجأه بخبر حملها...تفاجأت بسيارات الاسعاف والشرطه موجوده قدام الشركه!!!...شافت واحد من الضباط اللي يشتغلون معاها فراحت تسأله شصاير؟!!!....حاول الضابط يتهرب منها مايبي يقولها شصار؟!!!...بس ياسمين حست ان مراد صايرله شي وماقدرو كل الضباط اللي حاولو يوقفونها انهم يمنعونها من الدخول!!!...فشافت المسعفين ياخذون مراد من مكتبه والمكان مليان دم!!!...ماقدرت ياسمين تستوعب الصدمه وطاحت من طولها!!!...ولما صحت بالمستشفى لقت صديقتها منى جنبها!!!...اصرت ياسمين انها تعرف شصار مع مراد؟!!!...ماقدرت منى تسكت وقالتلها ان مراد انذبح وماقدرو يعرفون من اللي ذبحه وليش؟!!!...انقهرت ياسمين وعصبت وقامت تصرخ وتتوعد باللي ذبحه وانذرت على نفسها انها تنتقم لمراد من اللي اخذه منها!!!...منى لما شافت ياسمين بهالحاله ماعرفت شتسوي؟!!!...تحاول تهديها وهي موراضيه!!!....تذكرها انها حامل ولازم تنتبه لصحتها عشان الجنين اللي فبطنها والذكرى الوحيده من مراد!!!...بس ياسمين مومستوعبه شقاعده تقول منى من كثر ماهي معصبه ومقهوره!!!...كانت تبي تحرق كل اللي قدامها بنار غضبها لو كانت تقدر!!!...تماسكت ياسمين وصارت تحقق وتدور عاللي ذبح زوجها وماسمحت لأي احد من الضباط انه يتولى هالقضيه عنها على الرغم من اعتراضهم على انها تتولى القضيه بس ماقدرو عليها!!!...وفعلا مثل عادتها!!!...على الرغم من حرص القاتل وتخلصه من كل الادله اللي تدينه!!!...قدرت ياسمين بذكائها المعروف تعرف من اللي ذبح زوجها؟!!!...وراحتله على طوول وماانتظرت!!!...واجهته وكان مرعوب ومندهش شلون عرفته على الرغم من حرصه؟!!!...قامت تصرخ بوجهه وتعاتبه وتسأله ليش ذبح زوجها اللي عمره ماأذى نمله!!!!...اعترف القاتل بكل شي وقالها انه ذبح مراد عشان ينتقم منها هي!!!...أخذ منها زوجها وحرق قلبها فيه لأنها في يوم من الايام سجنت اخوه وكانت السبب في اعدامه مع ان اخوه بريء!!!...عصبت ياسمين وماتعرف شلون امسكت حالها وماضغطت عالمسدس!!!...قامت تصارخ بوجهه ووضحتله ان اخوه فعلا كان يستحق الاعدام ومجرم وعطته ادله قويه!!!...لكن مراد ماكان له اي ذنب!!!...كل ذنبه انه حبها وتزوجها!!!...وماقدرت ياسمين تحبس دموعها ومسكت المسدس وكانت بتضغط عليه لولا اقتحام علي زميلها الضابط المكان واخذ منها المسدس بكل صعوبه وهداها!!!...اسجنو هالمجرم واعدموه وخلو ياسمين بحسرتها على مراد وعلى جنينها اللي بينولد يتيم من غير اب!!!...وبعد 7 شهور...تفاجأت ياسمين بعوار بطنها اللي ذبحها واسعفتها منى بسرعه للطبيب بساعه متأخره من الليل!!!...دخلوها غرفة العمليات على طول عشان تولد!!!...لكن لما صحت من البنج!!!...قالولها ان جنينها مات فبطنها وكانت بنت!!!...ماصدقت ياسمين اللي سمعته وصابتها حاله هستيريه نفس اللي صابتها لما عرفت بموت مراد!!!...ظلت ياسمين بغيبوبه 6 شهور كاملين من هول المصايب اللي مرت على راسها!!!!...وبعد الست شهور صحت من غيبوبتها وفرحو الكل بشوفتها وعاشت حياتها وهي حالفه انها ماتخلي اي مجرم بحاله وتخلص البلاد من المجرمين!!!...وبجانب شغلها بالشرطه كانت تدير شركة مراد ورجعتها مثل ماكانت قبل واحسن وصارت اكبر شركة مقاولات بالبلاد!!!...وفتحت بعد ملجأ للأيتام سمته منزل الأحلام عشان تحمي كل الأيتام وعشان تكون ام لكل يتيم وتعوض نفسها عن فقدانها لبنتها وبنفس الوقت تعوض الايتام عن فقدانهم امهم وابوهم!!!...وبعد 12 سنه عاشت فيهم ياسمين بذكرياتها الحزينه...تفاجأت في يوم من الايام بمره اصرت تقابلها لأمر ضروري!!!...استقبلتها ياسمين بعد ماشافت اصرارها!!!...كانت المره تنوح وتصيح ودموع الندم والخوف باينه من عيونها وقامت تطلب من ياسمين انها تسامحها وتسامح زوجها!!!...استغربت ياسمين وماعرفت عن شنو تتكلم المره؟!!!...تفاجأت ياسمين وماصدقت اذانها لما سمعت المره!!!!...تقول المره: انا شمس ممرضه بالمستشفى العام وكان زوجي الدكتور اللي ولدج وقالج ان بنتج ماتت!!!...الحقيقه بنتج ماماتت!!!...احنا في هذاك اليوم كنا تونا نكتشف ان زوجي عقيم مايجيب عيال!!!...وفجأه جيتي انتي تربين!!!...واحنا طار عقلنا بالبنت لما شفناها وزاد طمعنا فيها لما عرفنا انها بنتج انتي وبتكون ونعم البنت لنا لأنها شايله جيناتج وجينات المرحوم الاستاذ مراد وانتو كنتو احسن ناس في نظرنا!!!...كانت بالنسبه لنا فرصه نعوض فيها عجزنا!!!...وانتي بكل الاحوال كنتي يائسه ماراح تقدرين تربينها!!!...فأخذناها وقلنالج انها ماتت!!!....وطول هالسنين ربيناها كأنها بنتنا بالضبط ووفرنالها كل شي كانت تبيه !!!...لكن بعد كم سنه توفى زوجي واعتقد سمعتي بهالخبر!!!...وهي عوضتني عن غيابه والتهيت فيها!!!...وماكنت ابي اقولج بس مضطره اليوم اقولج لأن بنتج محتاجتلج وهي بين الحياه والموت بالمستشفى!!!...محتاجه دم وماقدرنا نوفره لها!!!...استخفت ياسمين مومصدقه اللي سمعته وعصبت عالمره ظنت انه ملعوب من اعداءها كالعاده!!!...ترجتها شمس انها تروح معاها وفعلا راحت معاها وشافت البنت!!!...كانت بتطيح من طولها بس تماسكت وقالت لشمس انها تبي تتأكد اذا كان هالكلام صح او لا؟!!!...فسوت ياسمين فحص الـdna وفعلا كانت البنت بنتها!!!...اخذت شمس وقامت تعاتبها وتصارخ عليها ودموعها على خدها!!!...كل هالسنين كانت تظن انها بنتها ميته وكانت تترحم عليها وهي حيه ومافيها شي؟!!!...كل هالسنين كانت تتحسر على الريحه الوحيده اللي بقتلها من مراد!!!...كل هالسنين وبنتها بعيده عنها!!!...قدرت تربي اكثر من 5000 يتيم وماقدرت تشيل بنتها بحضنها وتبطب عليها؟!!!...مره ثانيه انفتحت جراح ياسمين وقامت تتسائل بينها وبين حالها وتحاول تتذكر شنو اللي سوته بالماضي عشان يصير معاها كل هذا؟!!!...راحت تشوف بنتها تبي تملي عينها بشوفتها!!!...تبرعت بدمها لبنتها وطلع متطابق ميه بالميه!!!...ولما صحت البنت فرحت بشوفه امها اللي ربتها وماكانت تدري ليش ياسمين كانت موجوده بس عرفتها على طول لأنها من المعجبين فيها وبطريقتها بحل القضايا!!!...كانت طول عمرها تعتبرها قدوتها!!!...ماقدرت ياسمين تتحمل ونزلت دموعها انهار انهار من عيونها وقامت تبوس بنتها من فرحتها!!!...استغربت البنت وطبعا كانت ذكيه مثل امها وحست في إن بالموضوع واصرت انها تعرف شسالفه وماصدقت كذبهم في البدايه!!!...اضطرت شمس تقولها على كل شي!!!...انهارت البنت ماقدرت تستحمل اللي سمعته!!!...كان اكبر من طاقتها!!!...ولما صحت عصبت على امها وقامت تعاتبها وطردتها من المستشفى ماتبي تشوف وجهها مره ثانيه وراحت تحضن ياسمين وكان المشهد حيل مؤثر!!!...وعاشو بعدها مع بعض وعوضو بعضهم عن كل سنين الحرمان ولما كبرت البنت شوي قامت تساعد امها بشغلها وصارت ذراعها اليمين وكانو يكملون بعضهم هم الثنتين!!!...اما شمس كانت ياسمين تساعدها من غير ماتدري البنت وأمنتلها بيت وشغل بعيد عن الجزيره وكانت بين فتره والثانيه تطمن عليها لأنه مهما كان تظل المره اللي ربت بنتها احسن تربيه كل هالسنين وكانت في يوم من الايام ام لبنتها!!! تأثرو السياح بهالقصه وايد وراحو لبلادهم وكل واحد منهم قص هالقصه على اهلهم واحبابهم ورجع غسان البيت عند امه وقالها انه اليوم قال للسياح عن قصة جدته!!! v,hdm hg[.dvm hgyvdfm

You are receiving this email because you subscribed to this feed at blogtrottr.com. If you no longer wish to receive these emails, you can unsubscribe from this feed, or manage all your subscriptions