روايه عويل الضحكات

منتديات السعودي السعودية - الرسمي
شبكة و منتديات السعودي ~ ترفيهية وتعليمية وثقافية وكل ما يفيد زائرينا الكرام
روايه عويل الضحكات
Jan 28th 2013, 17:46











اختلاسا شعاعين من الشمس النظر من زجاج شرفتي فدخلا يداعبان جفوني مع صوت زقزفة عصافير تنشد نشيد الصباح وتسبح لربها بلغتها ففتحت عيوني وفتحت النافذة لأسمح بشعاع الشمس بالدخول وبزقزقة العصافير تشنف أذاني بصوتها الساحر الذي يأخذني إلي عالم الشعر والخيال مع رائحة شجر الليمون الذي يخترق حجرتي ويعطر برائحته الذكية استيقظت لأبدا يوما جديدا من أيامي .



والذي يبدأ بهبوطي إلي ساحة المنزل فأنا أول من يستيقظ ولابد من إعداد الفطور للأولاد وبدأت الحفلة الصباحية بالنداء عليهم لللإستيقاظ



محمود...محمود ..اصحي يا حبيبي هتتأخر علي المدرسة يلا ياروان قومي نور ..نور... قومي .. كل واحد يرتب سريرة قبل ما يخرج من حجرته فاهمين ...



حاضر يا ماما ..



ونزل الجميع إلي ساحة المنزل ليتناولوا الإفطار وهو ليس كثيرا أكواب من الشاي بالحليب مع سندوتش غالبا ما يكون جبنه



يلا افطروا بسرعة عشان أتوبيس المدرسة يجي يلقاكم جاهزين .



إيه ياروان أنت كل يوم تدوخيني عشان تشربي الشاي وتكلي السندوتش .



.يا ماما أنا ما بحبش أفطر بطني بتوجعني لما بأكل الصبح



...لازم تحطي حاجة في بطنك يا حبيبتي ما ينفعش تخرجي علي لحم بطنك كده كل يوم هقول الكلام ده



محمود محمود تاخد السندوتش بتاعي أنا مش قادرة اكمله



هاتي بسرعة قبل ماما ما تاخد بالها



ها خلصتوا فطار يلا قوموا البسوا بسرعة .محمود يلا يا حبيبي الأتوبيس بتاعك وصل أخذت كل حاجة السندوتش وكتبك كاملة ؟



ايوه يا ماما ناقص المصروف



خد يا حبيبي بس بلاش البيبسي هات حليب أحسن وكفاية شوكلاتة سنانك كلها سوست ..



طيب يا ماما هاتي بس الأتوبيس هيمشي يلا مع السلامة



مع السلامة يا حبيبي، روان نور خلصتوا لبس يلا الأتوبيس قرب يوصل



خلاص إحنا نازلين خلصنا خلاص هو الأتوبيس لسه ما جاش ؟



بيب بيب



يلا وصل اخرجوا مع السلامة كل واحدة تممت علي جدولها



ايوه يا ماما يلا خدوا السندوتشات بتاعتكم والمصروف .. روان ما ترجعيش بمصروفك زي كل يوم هاتي زى زمايلك يا حبيبتي



ما أنا مش بيكون عندي نفس أكل



يعني ولا أكل من البيت ولا من خارج البيت عاجبك هتعيشي ازاي يا حبيبتي بقيتي عصايا متعاصة لحم حرام عليكي



طيب حاضر يلا يا نور الأتوبيس هيمشي مع السلامة يا ماما



مع السلامة يا حبيبتي خدي بالك من اختك في المدرسة.



اطلع اصحي مصطفي عشان يلحق يروح الشغل السلم ده متعب قوي بطلع وانزل الصبح اكتر من خمس مرات



مصطفي مصطفي اصحي يا حبيبي هتتأخر ع الشغل



خلاص أنا صحيت بس انت عملتي الشاي



أيوة الشاي في ايدي اتفضل هتوصلني الشغل اليوم الأتوبيس الخاص بالشغل بتاعي عطلان اليوم



حاضر حبيبتي تحت أمرك انت تأمري



طول عمرك حنين تسلمي حبيبي.....



وذهبنا بالسيارة وصلني مصطفي الشغل وذهب بعد ذلك إلي عملة



كان بالعمل لدي زميلات وكنا نأخذ في وسط الدوام ساعة غذاء نذهب فيها جميعا إلي كافتريا بنفس البناية نأخذ فيها وجبة خفيفة ونجتمع في جلسة راحة خفيفة ونتبادل بعض الأحاديث وجاءت ساعة الغذاء وتجمعنا في الكافتريا



وبدأنا في الأحاديث والضحكات سألتني سامية كان زوجك موصلك اليوم العمل جاوبتها نعم ردت أماني أيه رأيكم نعمل دعابة بالأزواج كل واحدة تكلم زوج الثانية وتعمل نفسها واحدة معجبة ونشوف مين يتجاوب ونعرف عاملين أيه من ورآنا رديت إنا بعرف زوجي أصلا لا يرد علي الأرقام الغريبة وقالت سهام لا بلاش خلي الطابق مستور لو قطة أنثي نونولتوه بيرد عليها فورا قالوا خلينا نشوف وبدأنا الدعابة.......




v,hdi u,dg hgqp;hj

You are receiving this email because you subscribed to this feed at blogtrottr.com.

If you no longer wish to receive these emails, you can unsubscribe from this feed, or manage all your subscriptions

0 التعليقات:

إرسال تعليق